獺祭 純米大吟醸 45

第一次正式用四步品評法記低獺祭 45。開樽後冷到大約 8°C，倒入薄身杯。

外觀清澈無色，搖杯後有細密酒腳。香氣中等偏高，以白桃同洋梨為主，底層有一點蒸米。味道入口柔和，甜感先到，酸度唔尖，酒體中等，酒精感融合得幾好。餘韻短而乾淨，果香淡出，唔拖泥帶水。

我自己歸類做薫酒——香氣偏高、味道唔算濃。作為入門定番，穩定度同易買程度都好高；想再濃啲果香可以試 39%。